НОВО во GALA WASH Прилеп !!! Перење на патосници - Антибактериски мирис - Црнило за гуми
Саатот во Прилеп не е само стара кула во срцето на градот – тој е сведок, симбол и простор што ги поврзува генерациите и културите. Последниве неколку години, Саатот прерасна во место за средби, идеи, пријателства, иницијативи, дебати, музика и игранки… Оваа недела (17.08.2025), со почеток во 20:30 часот, Winter Apricots и Јавен Простор Прилеп ги канат граѓаните на тематската вечер „Kај Саатот – за Саатот“.
Организторите со настанот сакаат да го оживеат просторот со присуство, музика, танц, заедничко сеќавање, како и да се одбележи постоењето и значењето на Саатот, не само низ бројки и датуми, туку и преку дружење и културна меморија што сите заедно ја градиме и чуваме. Поканети сме симболично да одбележиме 200 години од изградбата на првата Саат-кула и градската чешма.
Во текот на вечерта, во 20:30 и 21:30 часот, присутните ќе имаат можност да проследат краток филм за настанувањето, симболиката и значењето на Саат-кулата. Во монтирањето на овој краток филм користени се архивски снимки и материјали на пријателите на организаторите на настанот.
Потоа ќе следува заедничка забава и дружба со RobbieRay LedRobot и неговите ласери, тематски пијалоци на пријателите од Кафе Чоше и Кафе Носталгија, како и неколку други пријатни изненадувања, односно мала изложба, разгледници и принтови испирирани од Саатот и сл.
Настанот, истовремено е и најава на заеднички летни настани на Винтер Априкотс и Јавен Простор Прилеп, осмислени во циклусот „Музика и филм кај Саатот“. Настаните се поддржани од Општина Прилеп, кафе Чоше, кафе Носталгија и Златни пуканки.
