Минесота Тимбервулвс го декласира вицепрвакот во НБА-лигата, Кливленд Кавалирс.
Кливленд се соочува со сериозни проблеми. По синоќешниот сериозен пораз, каде во еден период губеа и со 41 поени разлика, очигледно е дека во редовите на клубот нешто не штима. Минесота со одличната игра на крај покажа дека е квалитетна екипа и успеа да ги порази Кливленд со 28 поени разлика, со конечен резултат од 127:99.
Во победничкиот тим Вигинс постигна 25 поени, а Џими Батлер имаше ефект од 21 поен, 8 скока, 9 асистенции и 3 украдени топки. Кај Кливленд најефикасни беа Џеф Грин со 22 и Кајл Корвер со 19 поени. Лидерот на Кливленд, Леброн Џејмс, го одигра најлошиот меч сезонава, постигнувајќи само 10 поени.
Резултати:
Индијана – Милвоки 109:96Бруклин – Торонто 113:114Чикаго – Хјустон 107:116Минесота – Кливленд 127:99Њу Орлеанс – Детроит 112:109Сакраменто – Сан Антонио 100:107Голден стејт – Денвер 124:114ЛА Клиперс – Атланта 108:107
