Keribe 30 khera ko than vakerdo Ivani Dol ko Kičevo. Jekh soba kujnaja, jekh soba sovibaske thaj kupatilo toaletesar. E stanija si dizajnirime te oven 45m2. Buhljaribe pilot programakiri baši socijalno khera ko Kičevo. Phravdo akharipe apliciribaske specijalno akcentesar upral o romano komuniteti so dživdinela ki mahala ,,Prilepska,, ki Komuna Kičevo.
„Programa baši socijalno khera e Romenge ko Kičevo si buhljardi resarinasar te agorel pes o majbaro problemi e Romengo ko Kičevo, a adava si o problemi e kherencar“, Mirsad Ramazanoski – Romano informatikano centro Kičevo.
„I programa baši socijalno khera si metodologija so ka targetirinel e romane familijen save so lena tikneder pokiniba. Trujal tamirkeribe/kerbe/ socijalno stanija ka lačharen pes e dživdipaskere kondicije ko romane familije“, Stojan Grujoski – JU MCSR Kičevo.
I konstrukcija astarela sa e komunalnikane butja: pani, elektriciteti, kanalizacija. E stanija/khera/ ka oven ekipirime kujnencar thaj bukjencar ki banja. E materijalija so istimalkerena pes ko kerengoro keribe džna pali e standardija, leindoj akate vi izolacija, PVC, pendžere duje džamencar.
