Почитувани верници, браќа и сестри во Христа, во светлината на преданието, од нашите предци нам предадено, на ден 08.08. 2019 година (четврток) Ве покануваме заедно да го почувствуваме духот на вековното православното чествување и да го прославиме празникот посветен на нашата закрилничка и молитвена застапничка пред Христа, св. преп. мчца.
Параскева (Петка) Римјанка, а во сеќавање на нејзиниот живот кој претставува поука и пример за исполнување на Евангелието. Молитвеното чествување ќе започне со празнична вечерна богослужба во среда (07.08.2019 ) со почеток во 17:00 часот.
Литургиското чествување ќе започне во 8.00 ч., со кое ќе чиноначалствува Неговото Високопреосвештенство Митрополитот Преспанско-пелагониски и администратор Австралиско-новозеландски г. Петар, со учество на црковните хорови при храмот и ќе продолжи со празнична трпеза во храмот „Св. св. Кирил и Методиј“.
Исто така утре ќе се одбележи со панихида споменот за загинатите на Карпалак.
Со почит, в. д. старешина протоереј Љупче Петрески со свештенството и настојателството при храмот „Св. преп. мчца. Параскева (Петка) Римјанка“ – Точила.
