Лидерот на српската партија Двери, Бошко Обрадовиќ, со компјутерско глувче го гаѓаше претседателот на Одборот за административни прашања, Александар Мартиновиќ.
Инцидентот се случил кога Мартиновиќ му го одзел зборот на Обрадовиќ. Најпрво настанала вербална расправија, по што Обрадовиќ со компјутерско глувче го нападнал Мартиновиќ.
„Не можеш да го правиш тоа Мартиновиќ, што ти значи тоа? Не виде дека тројца пратеници се јавија за збор? Што глумиш? Мислиш дека сите сме будали тука?“, му се обратил Обрадовиќ на другиот пратеник.
