Обилни дождови, проследени од град, го погодија Солун вчера попладнето, предизвикувајќи поплави по главните улици. Локалната противпожарна служба примила преку 300 итни повици за интервенција поради продирање на водата во станбени објекти и патници заглавени во автомобили по улиците. На меѓународниот аеродром повеќе летови биле откажани или одложени.
Многу приземни и подрумски продавници и куќи се поплавени, меѓу кои и Градското Собрание на Солун, а патиштата буквално биле претворени во реки. Поплавен е и еден од еден од најпознатите објекти во Солун катадралата Агиа Софија од VII век, која е споменик на УНЕСКО.
Бурата и грмотевиците предизвикаа и прекин на електричната енергија. На меѓународниот аеродром во “Македонија“, аеродромските власти на извесно време го прекинаа полнењето на гориво како безбедносна мерка на претпазливост.
