На денешната седница Владата донесе дополнителни ограничиувања за граѓаните. Се забранува собирање луѓе во групи поголеми од две лица, а не како досега кога максималниот број беше пет лица.
„Според одлуката, се забранува движењето на граѓаните на јавни места и јавни површини во групи поголеми од две лица, при што тука не се вбројуваат лицата помали од 14 години, доколку се деца на родител кој е дел од групата од двајца. За земјоделските активности, дозволено е движење во рамки на територијата (атарот) на селата, исклучиво за работните потреби“, стои во соопштението.
Дополнително за лицата над 67 годишна возраст се забранува движењето во текот на сите работни денови, од понеделник до петок, освен во периодот од 10:00 до 12:00 часот. За младите лица до 18 години се забранува движењето во текот на сите работни денови, од понеделник до петок, освен во периодот од 13:00 до 15:00 часот.
Аптеките и сите здравствени институции ќе работат и во текот на полицискиот час.
