Битолската полиција поднесе кривична пријава за двајцата гинеколози од Битола, но и за невработената која е сопруга на еден од докторите и која неовластено извршила царски рез. Гинеколозите се суспендирани поради тоа што дозволиле на операција со царски рез да учествува сопругата на едниот гинеколог која не е вработена во болницата, а немала ниту лиценца за работа.
СВР Битола до ОЈО поднесе кривична пријава за 33-годишниот М.В. за сторено кривично дело „злоупотреба на службената положба и овластување“ и „фалсификување службена исправа“, против 60-годишниот Г.Ч. поради постоење на сомнение за сторено кривично дело „злоупотреба на службената положба и овластување“, како и против 33-годишната А.В. од Србија, сопруга на првопријавениот за сторено кривично дело „надрилекарство“ и кривично дело „непостапување според здравствените прописи за време на епидемија“.
Породувањето се случило на први јануари оваа година.
