Кога ќе се соберат несовесноста на некултурните граѓани и неажурноста на институциите се добиваа оваа грда слика која се месеци го „краси“ најпосетуваниот туристички локалитет во Прилеп, ридот Маркови Кули.
Купишта ѓубре подолг период се наоѓаат на само неколку метри од т.н. карпа „Слон“ која е вистинско ремек дело на природата и никој не ги чисти.
Со ваков однос и на граѓаните и на институциите тешко дека овој локалитет ќе влезе под капата на трајна заштита од УНЕСКО, а да не зборуваме за тоа што за оваа слика мислат туристите кои ги посетуваат Марковите Кули.
