По синоќешниот земјотрес на пограничниот премин помеѓу Ирак и Иран во кој настрадаа над 200 лица, институтите во светот јавуваат дека уште два поголеми земјотреси се забележани, едниот во Јапонија, другиот во Костарика.
Земјотресот регистриран на источниот брег на Јапонија бил со јачина од 5.8 степени според Рихтеровата скала и ја погодил областа на 351 километар источно од Сендаи на островот Хонсху, на длабочина од 9.5 километри.
Другиот земјотрес, со јачина од 6.5 степени по Рихтеровата скала го погоди брегот на Костарика, каде што за сега нема пријави за жртви. Земјотресот се случил југозападно од главниот град Сан Хозе, на длабочина од 20 километри.
