СОУ „ Ѓорче Петров“ организираше хуманитарна активност наменета за членовите на здружението за лица со посебни потреби „Порака“.
Учениците од струката за лични услуги, фризери и козметичари го искористија своето знаење и правејќи професионални фризури и шминка на лицата со посебни потреби, успеаја да измамат насмевки и радост на нивните лица и да докажат дека сите сме исти. Покрај тоа, за членовите на „Порака“ беа донирани храна и пијалоци.
Организатори на оваа акција беа учениците Елдин Шкријељ, Мери Стеваноска и Ангела Ангелеска, а им се приклучија и учениците од III 5 и II 4 клас.
