Реализација на проект за реконструкција на јавните здравствени установи, вклучувајќи ги и клиниките, со кој ќе бидат опфатени нивните санитарни чворови, како и модернизација на собите и нивно опремување со монитори, кревети и телевизори, најави денеска министерот за здравство Венко Филипче на средба со новинарите.
„Во фаза сме на одредување на приоритетите за голема реконструкција на повеќе клиники. Од јавните здравствени установи 45 се приоритетни и во нив ѕидовите ќе бидат молерисани, а ќе им бидат сменети и плочките“, рече Филипче.
