Од 24-ти до 26-ти август ќе се одржи вториот по ред ФИС Ролер ски куп „Тоше Проески“, со две трки на регионалниот пат Кривогаштани-Крушево.
Настанот започнува со официјален тренинг во петок во 15 часот, а трките се закажани за сабота и недела во 9 часот. Во сабота стартуваат трките со поединечен старт на 12км мажи и 6км жени во слободен стил, додека во недела се трките на 10км мажи и 5км жени исто така во слободен стил.
Купот официјално ќе биде отворен од претседателот на организациониот борд Васил Сокле, градоначалникот на Општина Крушево Томе Христоски, директорот на Агенцијата за млади и спорт Дарко Каевски и Министерот за внатрешни работи на РМ Оливер Спасовски.
Овој куп е од меѓународен карактер со учесници од Австрија, Хрватска, Грција, Словенија, Србија, Бугарија, Босна и Херцеговина, Црна Гора, Турција, Романија и др.
