Дали ќе гласате за ЗЛОСТОРНИЧКО здружение кое го уништува нашиот град? Дали ќе гласате Градоначалникот и злосторничкото здружение да си ги довработат сите домашни и покрај одлуките на антикорупциска? Дали ќе гласате Сугарески и Туманоски да ја дозаградат цела стара чаршија и плоштадот Ченто? Ова се дел од прашањата кои ВМРО-ДПМНЕ Прилеп ги поставија до прилепчани на денешната прес конференција.
Прес конференцијата ја пренесуваме во целост.
„Почитувани членови на СДСМ, политички неопределени сограѓани, но и вие што одлучивте да ги казните најнеспособните функционери на оваа влада, на 3 дена пред одлучувачките избори за Македонија сакаме да ве прашаме неколку прашања и да ве замолиме да си ги одговорите пред да одлучите како ќе гласате:
Дали ќе гласате за ЗЛОСТОРНИЧКО здружение кое го уништува нашиот град? Ова е обелоденето од нивен истакнат член, а премолчано од обвинителството.
Дали ќе гласате Градоначалникот и злосторничкото здружение да си ги довработат сите домашни и покрај одлуките на антикорупциска?
Дали ќе гласате Сугарески и Туманоски да ја дозаградат цела стара чаршија и плоштадот Ченто?
Дали ќе гласате за Миле Талески за кој не знаеме дали е марионета или е кривец за катастрофата на СДСМ и губењето 7000 гласови за 18 месеци?
Дали ќе гласате за двојазичен Прилеп кој се дави во нечистотија?
Дали ќе гласате за тие што го пљачкаат Еурокомпозит и Тутунски комбинат, додека вработените молат за плата?
Дали ќе гласате за 60% повисоки сметки за вода и пресушено вештачко езеро?
Дали ќе гласате за тие што го уништија фудбалот и ракометот во Прилеп?
Дали ќе гласате за тие што во центарот на Прилеп отвараат фабрики за марихуана?
И на крајот поставете си сами уште 1000 прашања дали овие злостпрници како што велат самите за себе заслужуваат да гласате за губитникот Пендароски.
Се разбира одговорот е Не! Не за оваа банда што го уништи Прилеп.
Прилеп како и во првиот круг ќе гласа за победникот, за број 2, за Проф. Гордана Силјаноска“, рекоа од ВМРО-ДПМНЕ Прилеп.
