Вистинска драма се одвивала утрово на планината Селечка кај Прилеп, над планинарскиот дом „Томе Темелкоски“. Според првичните информации две малолетни лица, момче и девојче, на возраст од 17 и 16 години, утрово околу 7.20 часот ја повикале полицијата од Прилеп и против пожарната екипа со дојава дека девојчето е повредено и дека неможат да слезат од планината.
Од ТППЕ Прилеп веднаш интервенирале и стигнале на местото каде се наоѓале малолетниците. Поради крајно непристапниот терен и неможноста да слезат од планината пожарникарите повикале хеликоптер од Дирекцијата за заштита и спасување по што девојчето со хеликоптерот е пренесено во Општата болница „Борка Талески“ во Прилеп.
Од болницата велат дека состојбата на девојчето е стабилна и таа се наоѓа надвор од животна опасност. Од СВР Битола истакнаа дека случајот се обработува и за кратко време се очекува да имаат повеќе детали.
