Проблемот со Македонија е резултат на целосното одбивање на низа бугарски влади да формулираат државна политика адекватна на новите реалности, потенцира бугарскиот историчар Димитар Атанасов за Дојче Веле на бугарски јазик.
„Темата за односот на Бугарија кон југозападните соседи се наоѓа во најболното подрачје на нашата колективна меморија. Помирувањето со минатото е неизбежно. Тоа минува низ горчливото сознание дека скаменувањето на неговите слики е капитал што политичарите вешто го насочуваат кон приватниот интерес. Проблемот со Македонија е резултат на целосното одбивање на низа бугарски влади да формулираат државна политика адекватна на новите реалности“, наведува Атанасов.
Атанасов вели дека за македонската нација, и како и секоја друга, таа е факт и не е потребна добра волја од никого за таа да почне да постои целосно.
„Аргументот дека македонската нација е вештачки создадена е неодржлив – заедниците се резултат на консензус меѓу нивните членови, а не природен феномен“, смета Атанасов.
