Нашиот патрон празник Св. Никола, заштитникот на Прилеп, е празник на мирољубивост, смирение и љубов! Како Општина Прилеп, заедно со нашиот годинешен домаќин, компанијата Комфи Ангел, го славиме со сета почит кон светецот, велат од Општина Прилеп.
„По тој повод, на 19-ти декември на празникот Св Никола-Чудотворец, како градоначалник на општина Прилеп, Ве поканувам, да ја одбележиме градската слава во духот на заедништво, слога и взаемна почит.
Чествувањето започнува во 08:00 часот со Архиерејска Божествена литургија со која ќе чиноначалствува митрополитот Преспанско-Пелагониски, г. Петар, во црковниот храм „Св. Блоговештение“-Прилеп.
Литија, во чест на Св.Никола Чудотворец, ќе се одржи во 11:00 часот, од црквата Св. Благовешетение до Параклисот „Св. Никола“.
Водосвет и прережување на празничниот колач ќе се изврши пред Параклисот на „Св.Никола“ во центарот на градот во 11:30 часот.
А, потоа, за сите добронамерници ќе биде послужена празнична, посна, светиниколска трпеза и ќе се одржи пригодна културно-уметничка програма на плоштадот „Александрија“ .
Повелете во Прилеп на 19-ти Декември! Нека ни е честит и вековит патрониот празник , Св. Никола-Чудотворец!“, истакна градоначалникот Борче Јовчески.
