Во Прилеп по трет пат се одржа настанот „Млеко 2024 – предизвици во сточарството“ во организација на Slow Food. На него голем број сточари и производители на сирење ги презентираа своите производи, а посетителите на настанот имаа можност да се уверат дека нашите сирења се со еднакво добар квалитет како и европските. Потребна е само поголема стратегија и маркетинг од државата, како и финансиска поддршка, за поттикнување на малите земјоделски стопанства да воведат нови технологии, нови методи и начини, да се едуцираат, се со цел да го усовршуваат своето производство и да бидат уште повеќе конкурентни на пазарот. Еве дел од одличната атмосфера на овој настан, чија цел во иднина е да прерасне во првиот Саем на сирење кај нас.
