Силна експлозија на трансформатор вчеравечер ги вознемири дел од жителите на Њујорк. Експлозијата се случила во електрична инсталација, а небото над градот било обоено во силна сина светлина.
What is happening in queens?!!!! It’s humming and changing psychedelic colors… tons of sirens?!! pic.twitter.com/xkskHdzOxo
— Juju Chang (@JujuChangABC) December 28, 2018
Експлозијата се јавила како последица на технички дефект на трансформатор кој набрзо е отстранет и нема информации за повредени.
Набргу после експлозијата се огласија од локалната компанија за електрично напојување, „Кон Едисон“. Преку објава на Твитер од таму објаснија дека дошло до пожар во нивна потстаница кај Квинс, при што биле зафатени неколку трансформатори.
Поради хаваријата дошло до проблеми во напојувањето со електрична енергија, имало одложување авионски летови, како и застои во њујоршкото метро.
