141 милион денари, од нив 15 милиони кофинансирање од Општина Прилеп, за да се заокружи и да се реши едно од најголемите тесни грла кое води кон центарот на градот а тоа е мостот со кружен тек Табана. Благодарност до премиерот, благодарност до цела Влада, особено од министерот за транспорт, бидејќи ова е проект преку неговото министерство, изјави денеска градоначалникот на Прилеп, при увид на градежните работи.
„Решаваме долгогодишен, децениски проблем во Прилеп и со ова заокружуваме едно послободно и понормално одвивање на сообраќајот кој носи до центарот на Прилеп. Ја искористив приликата да го запознаам премиерот и претставниците на Владата со уште 2 проекти, еден би сакал да го потенцирам, а тоа е договор кој го имаме со компанија изведувач кој е тежок 168 милиони денари и ќе биде искористен за комплетно подобрување на инфраструктурата во градот, што значи поставување и рехабилитација на нов асфалт на улици, поставување на нови тротоари и пешачки површини, поставување на оградни ѕидови и сето тоа треба да се реализира, ставена ни е во развојна програма во рок од 3 години. За оваа година имаме предвидено 60 милиони денари, значи прилепчани ќе добијат инвестиции до крајот на оваа година во вредност од 60 милиони денари преку нови коловози, нови пешачки патеки и нови потпорни ѕидови, се она што значи проблем за прилепчани. Ја искористивме приликата да го посетиме и скоро завршениот и реконструиран дел на плоштадот „Методија Андонов – Ченто“ во површина од 2.100 метри квадратни, поставена е урбаната опрема, поставени се подовите, заокружуваме со поставување на зеленилото согласно проектот, кој е вреден 16 милиони денари, средства од вториот повик на владата за инфраструктурно доопремување и доизградување на општините“, додаде Проданоски.
