Kлубот за екстремни спортови „Sky Riders“ и велосипедскиот клуб „Илинден“ го организираа второто државно првенство и четвртата по ред downhill трка „Топташ 2019“. Над 40 учесници од нашата држава и странство се натпреваруваа во категориите хоби, мастерс, јуниори и мен елит.
Прилепчанецот Александар Стојкоски се избори за првото место во категоријата хоби, додека натпреварувачот од Полска, Крабос Марек беше победник во мастерс класата.
Во категориите јуниори и мен елит, првите места ги зазедоа Андреј Кузманоски од клубот „Илинден“ – Прилеп и Кристијан Угриновски од Скопје
После конечните бодувања од сите претходни рангирани трки на државно ниво, за државни прваци во категориите мастерс, јуниори и мен елит, беа прогласени натпреварувачите Игор Григоров од Скопје, Андреј Кузманоски од Прилеп и Кристијан Угриновски од Скопје.
За тројцата најдобро пласирани натпреварувачи на годинешната трка „Топташ 2019“, организаторите обезбедија и парични награди во висина од 18.000, 12.000 и 6.000 денари.
