Руските државјани масовно дадоа поддршка за уставните реформи, кои ќе му овозможат на Владимир Путин да остане на власт уште 16 години, односно до 2036 година.
Изборната комисија на Русија објави дека 78% од граѓаните гласале на референдумот, и со тоа Путин ќе има право на уште два шестгодишни претседателски мандати, откако ќе му истече актуелниот кој е до 2024 година.
За првпат во Русија, гласањето траеше една недела со цел да се зголеми излезноста на граѓаните, но и да се намалат гужвите на гласачките места поради пандемијата на коронавирусот.
Според Кремљ, кој референдумот го окарактеризира како „триумф“, амандманите се неопходни за стабилноста и сигурноста на земјата.
И самиот Путин претходно ги повика граѓаните да гласаат за амандманите и истакна дека секој глас е важен.
„Не гласаме само за амандманите. Гласаме за земјата во која сакаме да живееме, за земјата која сакаме да ја оставиме на нашите деца и внуци“, рече Путин.
Опозицијата се противеше на гласењето, велејќи дека тоа е направено за Путин доживотно да биде прв човек на државата.
