Иако се заколнаа дека никогаш нема повторно да се соберат, речиси четири децении подоцна од разидувањето, легендарната шведска група АББА го најави своето „сензационално“ музичко враќање.
Славниот бенд продаде повеќе од 400 милиони примероци од албумите и влијаеше врз генерации поп-музичари.
По победата на Евровизија во 1974 година со нумерата „Waterloo“, станаа глобални суперѕвезди.
Седумдесетгодишите автори на поп-класиците како „Dancing Queen“, „The Winner Takes It All“ и „Take a Chance on Me“, вчера најавија „историска“ објава во 18.45 часот по средноевропско време.
„Ви благодариме што чекавте, патувањето наскоро почнува“, објави минатата седмица на Twitter славната четворка Ани-Фрид Лингстад (75), Агнета Фалтског (71), Бјорн Улвеус (76) и Бени Андерсон (74). Новиот албум со 10 песни официјално ќе излезе на 5 ноември.
Поп групата најави турнеја, но виртуелна со холограми на членовите. Бјорн и Бени открија дека концертот ќе трае околу час и половина и ќе бидат изведени 22 песни.
