Во однос на покачувањето на минималната плата, веќе денеска се организираат Министерството за труд и социјална политика и другите ресорни министерства заедно со вицепремиерот за економски прашања. Тоа е прашање кое се решава низ економско-социјалниот дијалог, рече премиерот Ковачесвки.
„Минималната плата и нејзиното покачување од 9.000 денари на 15.000 денари што ги имаме сега беше направено од СДСМ и владата на СДСМ, така да и заложбата за зголемување на минималната плата на едно повисоко ниво е исто така заложба на оваа Влада. Притоа, треба да се има предвид како и при првичното покачување, треба да се имаат ставовите и инпутите и на синдикатите и на работодавачите и на стопанските комори, бидејќи тоа е дел од еден економски систем и штом ќе се направи таа методологија заедно со сите низ економско-социјалниот дијалог, тогаш ќе го имаме финалното решение кое ќе биде презентирано пред сите, и пред граѓаните и нормално пред работниците.
На таков начин и недела неработен ден беше донесена, тоа беше заложба на владата, таа ја помина дебатата и дискусијата во рамки на процесот на економско-социјалниот дијалог. Беше донесено решение и сега ние имаме 92% од работниците кои не работат во недела, бидејќи треба да има баланс помеѓу приватниот и професионалниот живот и затоа и овој процес ќе се води на таков начин“, додаде Ковачевски.
