Шампионатот во формула 1 од следната сезона ќе има 21 трка, една повеќе во однос на оваа сезона, објави меѓународната автомобилска федерација. Во календарот на најбрзите авто-мото трки се враќаат големите награди на Франција и Германија, додека возачите повеќе нема да се натпреваруваат за големата награда на Малезија.
Трката за ГН на Франција се враќа по десет години и ќе се вози на стазата „Пол Рикер“ во Кастелеу. Трката за ГН на Германија, пак, исфрлена беше оваа сезона поради слаба посетеност и големи трошоци, но истата се враќа и ќе се вози на 22 јули на „Хокејхајм“.
Новата сезона ќе стартува со трката за ГН на Австралија во Мелбурн која е закажана на 25 март. Тронот во Ф1 ќе го брани британскиот возач Луис Хамилтон.
Ќе се вози во уште во Бахреин, Кина, Шпанија, Монако, Канада, Австрија, Велика Британија, Унгарија, Белгија, Италија, Сингапур, Русија, Јапонија, САД, Мексико, Бразил и Обединетите Арапски Емирати.
