Ограничувачките мерки за влез и излез од државата кои важат од денеска сепак нема да важат за транспортерите на стока. Владата на вчерашната седница одлучи дека тие ќе бидат исклучок од оваа мерка.
Сега камионџиите, како домашните, така и странските нема да застануваат на граница за да покажат негативен ПЦР тест, сертификат за примени две дози вакцина или потврда за прележан ковид 19.
„Исклучок од оваа мерка се домашните возачи на товарни возила, како и странските возачи на товарни возила кои транзитираат низ земјата“, објави Владата.
Со ова се надмина неизвесноста во која беа камионските транспортери за кои примената на мерката значеше штета по бизнисот, а за државата нарушување на синџирот на достава на стока, пред се храна, фармацевтски производи, нафта и друго.
