По поразот од Голден Стејт, вицепрвакот Кливленд падна и на гостувањето кај Сакраменто со 109-95.
Ветеранот Винс Картер уште еднаш потврди дека годините не се пречка за врвна форма. Во својата 40-ка ги предводеше Кингс до 12-тата сезонска победа како најефикасен со 24 поени. На Кливленд од помош не му беа ниту Кевин Лав со 23 поени, ниту седмиот трипл-дабл сезонава на Леброн Џејмс од 16 поени, 14 асистенции и 10 скока.
Њу Орлеанс го победи Бруклин 128-113, а за издвојување е маестралниот Рондо, кој беше незадржлив во делењето асистенции. Бекот на Пеликанс за 30 минути на паркетот постави клупски рекорд од неверојатни 25 асистенции на еден натпревар. Интересно, целиот тим на Бруклин заврши со 26 успешни додавања. Ентони Дејвис постигна 33 поени, Демаркус Казнс реализираше 27.
Резултати:
Шарлот – Бостон 91:102Индијана – Далас 94:98Атланта – Вашингтон 113:99Чикаго – Њујорк 92:87Минесота – Денвер 128:125 (п)Њу Орлеанс – Бруклин 128:113Оклахома – Торонто 124:107Сакраменто – Кливленд 109:95Голден стејт – Јута 126:101ЛА Лејкерс – Мемфис 99:109
