НОВО во GALA WASH Прилеп !!! Перење на патосници - Антибактериски мирис - Црнило за гуми
СТАНИЦА П.Е.Т од Прилеп во долненското село Ропотово го одржа завршниот настан од проектот „Паметно зелено село за одржлива иднина“, кој што се спроведуваше во изминатите 12 месеци. За време на проектот се отвори Зелен ресурсен хаб, во просториите на Општина Долнени каде граѓаните за целиот период може да се информираат за спроведување и имплементирање на зелените практики.
„Изработивме десетина индивидуални планови за енергетска ефикасност на локалните домаќинства, со кои што им дадовме директни и скроени по мерка совети на локалните жители како со минимални вложувања во рамки на нивните домаќинства можат да ја подобрат енергетската ефикасност. Одржавме 3 работилници со кои опфативме 40-тина жители со кои спроведовме едукација за енергетски ефикасни практики во домовите, преработка и селекција на органски отпад и произведство на енергија од обновливи извори. Дополнително, нешто што го спроведовме како пилот иницијатива тука во општина Долнени, поставивме еден колективен систем за преработка на органски отпад и негово компостирање преку поставување на 2 станици во селото Ропотово за собирање на органски отпад и 1 станица за компостирање. Оваа активност ја спроведовме заедно со Општина Долнени и тука денес го имаме првиот продукт, односно првиот органски хумус кој го произведовме од станицата за компостирање поставена во село Ропотово. Ова е еден прилично одржлив и лесен за имплементација механизам кој особено во помалите средини со минимални вложувања може значително да се намали количината на отпад која ја генерира заедницата, а дополнително од органскиот отпад да се произведе корисна материја, односно органски хумус“, истакна Весна Шапкоски, извршна директорка на СТАНИЦА П.Е.Т. Прилеп.
Сега процесот на компостирање го имплементира самото јавно комунално претпријатие и локалнитен жители и овој процес во иднина може да се одвива без интервенција на граѓанскиот сектор.
„Причината зошто овој проект одбравме да го реализираме на ваков начин во едно рурално место не е затоа што сметаме дека руралните средини немаат знаење, или тие се оние кои треба да ги едуцираме и да ги унапредуваме во поглед на зелените практики, туку токму напротив сметаме дека во руралните средини, кај руралните жители лежи најголемиот потенцијал за имплементација на зелени практики и сите иницијативи кои водат кон процесот на унапредување, процесот за зелена транзиција можат најдобро да започнат и да се пилотираат токму од руралните средина“, додаде Шапкоски.
Исто така се направи и предфизибилити студија за утврдување на потенцијалот на селото Ропотово и околината за поставување и изградба на соларни фарми, односно производство на енергија од обновливи извори. Со овој документ се докажало дека самата локација има огромен потенцијал за искористување на сончевата енергија. Овие капацитети би имале екстремно мало влијание врз животната средина, практично сведено на нула, а од друга страна бенефитот за жителите би бил огромен.
„Имајќи предвид дека од аспект на урбанистички параметри не можат да бидат во урбанта граница и истите треба да бидат лоцирани некаде во периферните делови на селото, каде се разбира не би сметале на локалните жители и генерално би биле површини кои би имале пониска бонитетна класа, под 4, односно од 5 до 8, земјиште кое не е земјоделски обработливо, така што не би се уништувале обработливите земјоделски површини, односно простори кои генерално не се користат за ништо, а имаат поволна локација за да се изработи и да се постави една ваква соларна фарма.
Кој е бенефитот на жителите од соларните фарми?
Бенефитот генерално зависи од тоа кој би инвестирал, првенствено доста важно е да се спомене дека во новиот Закон за енергетика се препознати енергетските заедници, така што и самите жители би можеле да бидат сопственици на една ваква соларна фарма и директно сите бенефити да ги користат. Но се разбира и самата инвестиција треба да предвиди, по консултација со жителите, доста транспарентност за сите одлуки во рамките на една ваква инвестиција, а се разбира ќе отвори и нови работни места, ќе се намали цената на електричната енергија, односно да се воведе користење на енергијата од самите фотоволтаици“, истакна Андреј Стојкоски, градежен инжинер.
Проектот финансиски беше поддржан од Фондацијата „Отворена општетство“ Западен Балкан.
