„Пречистителната станица во Прилеп која е дело на Владата на ВМРО-ДПМНЕ и за која беа вложени околу 10 милиони евра, требаше да значи решавање на проблемот со отпадните води и да овозможи чиста и здрава животна средина. Но, изминатите денови воопшто не е така! Граѓани до општинскиот комитет на ВМРО-ДПМНЕ доставија фотографии и видео материјал, на кој се гледа дека наместо пречистена вода, од станицата излегуваат фекалии и одново се слеваат во водите на градската река“, ова го истакна на денешната прес конференција потпретседателот на ОК на ВМРО-ДПМНЕ Прилеп, Дејан Проданоски.
„Дали е вистина дека поради негрижа, од 5 пумпи во пречистителната станица работи само една пумпа?
Дали директорот на ЈКП Водовод и канализација, под чија надлежност е станицата, брзајќи да ја натрупа со партиски кадри, заборави дека објектот треба да се одржува?
За ова ли граѓаните плаќаат 60% повисоки сметки за вода, иако градоначалникот им ветуваше дека ќе ги намали за 20%?
Најитно ги повикуваме Илија Јованоски и Миле Талевски, да реагираат и да го спречат ова потенцијално ширење на зараза и загадување на почвата“, рече Проданоски.
